Cussegl grond è per dapli barat da linguas

Las scolas en il Grischun da tuts livels duain far dapli barats linguistics. Il Cussegl grond ha surdà cun 63 cunter 30 vuschs ina incarica en quest senn. Il chantun duai elavurar in concept che promova il barat linguistic.

En l’ordinaziun da linguas chantunala vegn definì ch’il chantun sustegna barats linguistics cun 90 francs il di per scolar.

Legenda da maletgs: En l’ordinaziun da linguas vegn definì ch’il chantun sustegna barats linguistics cun 90 francs il di per scolar. Keystone

Da preschent vegnian las purschidas da barats linguistics betg nizzegiads bain. Da 60‘000 francs budgetads per da quellas purschidas, sajan per exempel per l’onn 2014 vegnids nizzegiads be 31‘000 francs. Quai ha detg il schef dal departament d’educaziun Martin Jäger durant la debatta dal parlament grischun. En l’ordinaziun da linguas chantunala vegn definì ch’il chantun sustegna quella purschida cun 90 francs il di per scolar.

Betg dapli custs al chantun

Il concept duai sa basar sin purschidas gia existentas. Quellas duain dentant vegnir fatgas pli attractivas, sco la socialdemocrata da Cuira Locher Benguerel ha ditg durant la debatta. Dapli custs na duain betg resultar al chantun.

RR novitads 20:00