Chantun - Cussegl grond dat glisch verda a nova praschun
Il parlament grischun ha approvà il project per ina nova praschun a Cazas e concedì in credit dad 86 milliuns francs suenter ina curta discussiun e senza resistenza.
La praschun duai remplazzar il Sennhof a Cuira. Prevesì èsi da stgaffir 152 plazzas per il concordat da praschunier da la Svizra Orientala. Fin ussa mancan qua radund 140 plazzas.
audio
Bunura: Cussegl grond dat glisch verda a nova praschun
02:36 min, ord Actualitad dals 24.08.2015.
laschar ir. Durada: 2 minutas 36 Secundas.
L'edifizi a Cazas custa tut en tut 119 milliuns francs, da quels surpiglia la Confederaziun 33. Va tut tenor plan vegn la praschun averta sin mez dal 2019.