Siglir tar il cuntegn
Inhalt

Chantun Cussegl grond a regenza: S’engaschai per nossas postas!

Il parlament chantunal vul che la regenza grischuna cumbattia in’ulteriura reducziun da las filialas da la posta. L’incumbensa correspundenta ha el surdà il glindesdi unanimamain.

Morissen.
Legenda: Ina posta, ch'i na dat pli: Sco Morissen han pers er divers auters lieus en grischun ed en Svizra lur postas. Keystone

La raschun per l'incumbensa èn ils plans da la posta, da reducir ils proxims onns remartgablamain la cifra da las filialas – e quai er en Grischun. La regenza es d’accord cun il parlament ed accepta l’incumbensa.

Ella constatescha però, che las agenturas da la posta possian esser in’alternativa valabla. Agenturas gidian tenor la regenza da rinforzar structuras localas sco per exempel butias. Ultra da quai sajan ils temps d’avertura tut tenor perfin pli lungs.

La posta aveva annunzià l’october, da reducir sia rait da service public ils proxims onns per 500 fin 600 filialas en tut la Svizra.

RR novitads 18:00