Siglir tar il cuntegn

Chantun Curs minimal da l'euro: Firmas grondas sa revegnan

Ils 15 da schaner 2015 ha la banca naziunala Svizra abolì il curs minimal da l'euro vers il franc. L'economia Svizra ha patì, las firmas grondas dal Grischun èn dentant sa revegnidas.

La Trumpf a Grüsch ha pudì augmentar la svieuta.
Legenda: Trumpf La Trumpf a Grüsch ha pudì augmentar la svieuta. MAD

La Ems Chemie a Domat, la Trumpf a Grüsch, la Hamilton a Panaduz ni è la Würth-International a Cuira: Tut firmas grondas ch'exporteschan cunzunt er lur products.
E gist questas firmas han gì gronda tema per lur existenza.

Uss in onn e mez suenter guarda quai or tut auter. Las bilantschas da las firmas mussan gudogns u schizunt records da gudogns. La crisa è surmuntada.

Meglier che spetgà

Jürg Michel, il president da l'uniun d'artisanadi e mastergn, conferma che la crisa saja surmuntada. I giaja meglier che spitgà suenter il schoc dal franc. La raschun per quai è che las grondas firmas Grischunas èn sa specialisadas sin lur fieras e pon uschia far gudogns.