Curdin Tuor è il nov manader da l’uffizi per la furmaziun

La regenza grischuna ha nominà Curdin Tuor sco nov manader da l'uffizi per la furmaziun professiunala. El succeda uschia a Rita Wiesendanger che va en pensiun sin la fin da schaner 2017, quai suenter 14 onns en uffizi.

Curdin Tuor.

Legenda da maletgs: Curdin Tuor da Trun succeda a Rita Wiesendanger che va en pensiun. mad

Tuor ha 33 onns ed è actualmain gestiunari dal center da furmaziun Surselva a Glion. El vegn ad esser responsabel per la direcziun generala da l'uffizi cun var 60 collavuraturas e collavuraturs.

L’uffizi per la furmaziun professiunala è cumpetent per tut las dumondas da la furmaziun fundamentala professiunala. El cumpiglia tranter auter ils secturs cussegliaziun da professiun, da studi e da carriera, surveglianza da la furmaziun professiunala, la cussegliaziun da scola professiunala.

RR novitads 10:00