Ma dastga la chanzlia avrir immediat mia cuverta?
Gie, avrir la cuverta dastga la chanzlia successivamain cura ch’ella vegn sin administraziun, di Walter Frizzoni da la Chanzlia chantunala grischuna.
Auter vesa quai ora tar la cuverta pitschna – quella nua ch’il cedel electoral / il cedel culs nums è da chattar.
Questa cuverta dastga la chanzlia avrir pir il venderdis avant il di d’elecziuns. Per lieus pli gronds, sco per exempel Cuira, dettia quai dentant lubientschas spezialas, di Frizzoni. Uschia dastgia il martgà da Cuira cumenzar a dumbrar las vuschs avant tschellas vischnancas en il Grischun.