L'affera da cartel en la branscha da construcziun en l’Engiadina s'extenda adina dapli. Tenor la gasetta «NZZ am Sonntag» cumprovian documents ch’ils impressaris hajan fatg cunvegnas davart lavurs che na sajan gnanc anc stadas scrittas ora. Quai grazia a glistas internas da l’uffizi da construcziun bassa – sco quai ch’il whistleblower Adam Quadroni haja declerà a la «NZZ am Sonntag».
Stefan Engler na saveva da nagut
Stefan Engler, l’anteriur schef dal departament da construcziun, traffic e selvicultura ha ditg ch’el na sappia nagut da questas glistas. Las interpresas hajan era pudì avair enconuschientschas da las lavurs che vegnian grazia al budget approvà, ha Engler declerà envers l'NZZ.
Tenor l'anteriur interprendider Adam Quadroni na fissi betg stà pussaivel dad eruir tge lavurs che vegnian surdadas sco proxim sulettamain cun agid dad in preventiv approvà. L'entir sistem da cartel na fiss betg stà praticabel a tala moda.
Tranter ils onns 2004 e 2012 hai dà passa 400 cunvegnas da pretsch.
RR novitads 06:00
