Siglir tar il cuntegn

Header

cuntegn

Cunter abus d'alcohol Campagna «Genussbeiz.ch» va a fin

En paucs dis, la fin d'october, va a fin la campagna da prevenziun «Genussbeiz.ch». Il project cunter l'abus d'alcohol e per promover la sanadad da l'Uffizi da sanadad dal Grischun, GastroGrischun e Hotelleriesuisse Grischun è vegnì lantschà il cumenzament dal 2016.

Tenor l'Uffizi da sanadad sajan ils ultims 5 onns numerus hotels, restaurants e bars en il Grischun s'engaschads per conturns da lavur sauns ed er s'obligads d'observar la finamira da nulla promils a la plazza da lavur. Tut en tut sajan s'annunziads 80 manaschis gastronomics per la campagna.

Ils iniziants speran che l'engaschi dals manaschis cuntinuescha er suenter la campagna. Per infurmaziuns ed agid en connex cun alcohol a la plazza da lavur renvieschan els a la pagina d'internet correspundenta da Dependenzas Svizra.

Ord l'archiv:

video
«Genussbeiz.ch» vid l’exempel da l’Hotel Belvédère a Scuol
Or da Telesguard dals 11.01.2016.
laschar ir. Durada: 2 minutas 28 Secundas.

RTR novitads 09:00

Artitgels legids il pli savens