Siglir tar il cuntegn

Header

Navigaziun

Martina Andri è studenta dal quart semester
Legenda: Martina Andri è studenta dal quart semester a la Swiss School of Tourism and Hospitality. RTR, S. Bundi
cuntegn

Chantun Cun Martina Andri al Foodfestival

Sonda è puspè il Foodfestival – in festival nua che giasts pon empruvar differentas tratgas e spaisas dals pajais d'origin dals students. 18 terras sa participeschan. Martina Andri da Müstair ha organisà il festival en la Swiss School of Tourism and Hospitality a Passugg.

Martina Andri è studenta dal quart semester ed ha tranter auter gì da mirar tgi che dastga duvrar cura la cuschina, ch'il concept da igiena vegnia resguardà e ch'il da mangiar saja signalisà endretg. Vul dir: Tratgas senza glutin ni lactosa ni era tratgas vegetarias vegnan marcadas.

Organisà charn da kenguru

Ed ella ha era dà in sguard sin la glista da cumpra. Sper 800 kilos charn, 100 kilos crevettas ni 1’000 ovs, ha la scola era gì dad organisar products exotics sco fegls da manioc ni charn da kenguru.