Siglir tar il cuntegn

Header

cuntegn

Chantun Cun la USR III perda il Grischun 12,8 milliuns francs

Sulet mintga 20avla interpresas grischuna è pertutgada direct da la refurma da taglia sin interpresas III. Principalmain uschenumnadas holdings che sa participeschan vi dad autras interpresas internaziunalas ed interpresas internaziunalas ch'han sulettamain in'adressa da posta en il Grischun.

Al chantun Grischun mancassan 12,8 milliuns francs da la Confederaziun, sche la refurma da taglia sin interpresas III vegniss approvada. Quai ha accentuà Toni Hess da l’administraziun da taglia dal Grischun.

audio
Mezdi: Votaziuns 12-2-17 – USR III - per tge vai?
ord Actualitad dals 31.01.2017.
laschar ir. Durada: 2 minutas 29 Secundas.

Gulivaziun da finanzas vegn evaluada

Il problem è che la gulivaziun da finanzas vegniss evaluada da nov, ed il chantun perdess la finala 12,8 milliuns francs.

Dentant cuntegna la refurma era elements sco divers privilegis per las interpresas. Las consequenzas definitivas n’èn dentant betg cleras.

Bandunan las interpresas pertutgadas tar in «na» il Grischun?

Il mument n’èsi betg cler, quantas persunas giuridicas che profitassan da la refurma da taglia e quantas che bandunassan il chantun tar in «na» a la refurma, ha ditg Hess. Ma da far nagut purtass malsegirtad per las interpresas, perquai ch'ellas fissan pertutgadas da sancziuns.

Restar cumpetitivs cun ils ulteriurs chantuns

Sche la refurma vegn approvada, alura sto vegnir fatga ina revisiun chantunala da taglia sco en ils ulteriurs chantuns. Las taglias vegnissan sbassadas e restassan uschia cumpetitivas cun ils ulteriurs chantuns. Ils chantuns e las vischnancas avessan damain entradas.

RR actualitad 12:00

Artitgels legids il pli savens