Siglir tar il cuntegn
Inhalt

Chantun Cun il moped tras la Svizra

La damaun baud è la gruppa dad otg giuvens partida da Wehntal (Turitg) en direcziun Tenero. A Cuira han els fatg ina pausa e raquintà da lur plans.

Ils otg giuvens dal Wehntal cun lur mopeds avant chasa RTR.
Legenda: Ils otg giuvens dal Wehntal cun lur mopeds avant chasa RTR. G.-M. Maissen

Sco blers auters mats e mattas han era els ina giada vulì far in viadi pli grond cun il moped. E questas vacanzas han ils giuvens tranter 15 e 21 onns pudì realisar il siemi.

Da Schöfflisdorf enfin Tenero e lura enavos sur il Gottard e la Surselva Bernaisa en direcziun Turitg. Per dumagnar las lungas etappas è la gruppa gia partida la damaun baud a las 04:15 da Schöfflisdorf direcziun Tenero. Vers las 22:00 fan els quint d'arrivar en il Tessin. «Forsa avain nus dentant era da far or da questa etappa duas etappas», manegia Cédric Galli. La via è enconuschentamain la finamira.

RR actualitad 08:00