Il guaud grischun è tut en tut en in bun stadi, resulta dal rapport davart la persistenza che l'Uffizi da guaud e privels da la natira ha elavurà. Entant che la reserva da laina, l'effect da protecziun e la diversitad vegnan taxadas sco bunas, vesa il chantun in basegn d'agir en spezial cun la regiuvinaziun dal guaud e cun ils donns da ruier.
Mo en la mesadad dals guauds en il Grischun datti avunda plantas giuvnas. Il problem vi da plantas veglias saja che quellas morian bainbaud, declera Riet Gordon da l'Uffizi da guaud e privels da la natira dal Grischun. Per ch'i na dettia betg in di rusnas en ils guauds, dovri in bun mix da plantas veglias e giuvnas.
En il chantun grischun èn radund 30% da la surfatscha cuverta cun guaud e quella crescha ad in crescher. Ils ultims 30 onns en media per 1'400 hectaras per onn.
RR novitads 10:00