Siglir tar il cuntegn
Inhalt

Chantun Cun il «Bus vu Chur» fin a l'eroport da Turitg

Nov duain bus charrar durant la notg da Cuira direct a l'eroport a Turitg. L'idea è, ch'ins po uschia sgular baud la bun'ura cun ils emprims sgols.

Legende: Audio Bunura: Colliaziun da bus da not da Cuira a l'eroport da Turitg abspielen. Laufzeit 02:42 Minuten.
02:42 min, Actualitad dals 24.03.2018.

Il bus duai charrar persunas a l'eroport da Turitg, durant il temps ch'ils trens na curseschan betg. Quai duai pussibilitar da tschiffar ils sgols da la bun'ura. L'idea vegn da Lucerna – là ha l'interpresa da transport Lucerna gia cumenza cun questa purschida che vegn duvrada bain.

Per ina regiun muntagnarda sco il chantun Grischun saja quai medemamain necessari, manegia Ralf Kollegger dal bus da Cuira. Ils abitants da nossas regiuns duain er avair il privilegi da sgular la bun'ura davent da l'eroport da Turitg – senza stuair durmir en in hotel u parcar l'auto en la garascha da l'eroport.

Ils responsabels èn persvadids da lur purschida. Questa stad duain ils emprims bus cursar sco project da pilot. Il mument decida la Confederaziun a Berna, sche quai project survegn glisch verda. Sch'il project ha success, vegn quel lantschà definitivamain la stad 2019.

RR actualitad 07:00