Siglir tar il cuntegn

Chantun Cumissiun prepara la revisiun da la lescha da taglia grischuna

La cumissiun per economia dal Cussegl grond ha tranter auter discutà la taglia sin l’atgna locaziun.

In placat ch’offrescha da cumprar abitaziuns da proprietad.
Legenda: D’ina reducziun da la taglia sin l’atgna locaziun profitassan possessurs da proprietad d’abitar. Keystone

Ella ha tranter auter decis, da prevesair la reducziun da l'imposiziun da taglia sin l'atgna locaziun sin 60% sco punct da discussiun per il Cussegl grond. Plinavant ha ina minoritad da la cumissiun fatg la dumonda, da desister d'ina pauschalisaziun tar ils custs da viadi.

Dasper questa revisiun ha la cumissiun anc tractà duas ulteriuras fatschentas. Quai è d'ina vart la revisiun totala da la lescha per il svilup economic, e da l'autra vart la revisiun parziala da la lescha per la Banca chantunala grischuna. Il Cussegl grond tracta las fatschentas en sia sessiun d'avust.

RR Novitads 10:00