Siglir tar il cuntegn
cuntegn

Chantun Cuira duai esser l’umbli futur per studegiar en il Grischun

La regenza grischuna ha decidì ch’in futur center da scol’auta saja da realisar en la chapitala dal chantun.

Duas vistas ord l'aria sin Cuira
Legenda: Ils areals Pulvermühle (sanester) e Neumühle (dretg). MAD

A Cuira saja vegnì investì ils davos onns bler en l’infrastructura da scol’auta, scriva la regenza grischuna. Senza alternativas adequatas na possian questas investiziuns betg simplamain vegnir dadas si. E cun chalar da nizzegiar questa infrastructura quinta il chantun era da stuair pajar indemnisaziuns.

Plinavant è era il cussegl da la Scol’auta da tecnica ed economia HTW da Cuira da l’avis, ch’in futur center da scol’auta saja da realisar a Cuira. Vitiers vegn ch’il Cussegl grond pretenda cun l’incumbensa Kappeler da realisar il center da scol’auta svelt e cun prioritad.

Sco sedias per il futur center da scol’auta a Cuira vegnan en dumonda surtut las immobiglias Pulvermühle e Neumühle. Il proxim pass è da sclerir il basegn da spazi che la Scol’auta da tecnica ed economia HTW vegn ad avair en il futur.

RR novitads 10:00