Siglir tar il cuntegn

Chantun Critichers da chatscha van avant Tribunal federal

Ils critichers da la chatscha grischuna van avant il Tribunal federal. Els vulan sclerir, schebain in'occupaziun paritetica dals uffizis da chatscha chantunals cun aderents da la chatscha e protecturs d'animals è legalmain valaivla.

In chatschader è pront per sajettar.
Legenda: Ils iniziants tiran tut ils registers legals per lur iniziativa. Keystone

Quai è ina da las pretensiuns da l'iniziativa «Per ina chatscha etica e cumpatibla cun la natira». Avant duas emnas aveva la Dretgira administrativa grischuna declerà quest punct da l'iniziativa sco nunvalaivel. Tenor l'inizianta, Marion Theus saja dentant impurtant che l'Uffizi da chatscha e pestga saja occupà cun aderents ed adversaris da la chatscha.

Il parlament chantunal aveva decidì che trais da las totalmain nov pretensiuns da l'iniziativa sajan nunvalaivlas. Suenter che la Dretgira aministrativa era s'occupada cun l'iniziativa era anc ina pretensiun nunvalaivla: L'occupaziun pariterica da l'Uffizi da chatscha e pestga cun adversaris ed aderents da la chatscha. Pertutgant il davos punct ch'è uss anc nunvalaivel decidan uss ils derschaders a Losanna.

RR novitads 16:00