Construì in quart damain abitaziuns

Las consequenzas da l'iniziativa davart las abitaziuns secundaras èn definitivamain arrivadas en la statistica. Quai scriva l'uniun grischuna dals impressaris constructurs. La construcziun d'abitaziuns è sa reducida per 25% e quella en l'ulteriura construcziun auta per 13,4%.

3 cranas sin in plazzal

Legenda da maletgs: Las cranas han gì damain lavur, la construcziun d'abitaziuns è sa reducida per 25%. Keystone

En il sectur da construcziun auta hai dà l'emprim semester da quest onn 6,9% damain incumbensas.Cun 482,1 milliuns francs è il volumen d'incumbensas il pli bass dals davos 7 onns. Ord vista dals impressaris grischuns è sulettamain il sectur «construcziun bassa» sa sviluppà legraivel cun in augment da 3,7%.

Salvà il dumber dals occupads

Il dumber da las persunas occupadas en l'industria principala da construziun è quasi restada sin il nivel sco avant in onn. Il di decisiv, 30-06-15, ha l'industria da contrucziun grischuna occupà en total 4'937 persunas (da quai èn 1'699 Svizzers). Quai è sulet 5 persunas pli pauc ch'ils 30 da zercladur 2014.

RR novitads 11:00