Siglir tar il cuntegn

Header

cuntegn

Chantun Construcziun d'abitaziuns: 20% damain investiziuns

L’onn passà ha la branscha construcziun grischuna stuì nudar ina reducziun da las lavurs da bunamain 7%. Cumpareglià cun l’onn avant èn las fatschentas idas enavos per 66,7 milliuns sin 920 milliuns francs.

Dapi ils ultims 8 onns saja quai uschia il pli nausch onn, communitgescha la societad grischuna dals impressaris constructurs communitgescha è quai uschia il segund mender onn.

Minus da 20% tar la contrucziun d'abitaziuns

Patì ha surtut la construcziun auta cun in minus da 6,8%. Quai saja la consequenza da l’iniziativa da segundas abitaziuns, uschia la societad dals impressaris. La construcziun d’abitaziuns saja sa reducida per bunamain 20%.

Dapli investiziuns dal maun public

La construcziun bassa perencunter ha pudì nudar in pitschen augment da 0,3% cumpareglià cun il 2014. La raschun principala per quest augment, saja surtut l’activitad d’investiziun dal maun public e da la Viafier Retica per mantegnair e schlargiar l’infrastructura dal traffic.

0,1% damain lavurants da construcziun

Il dumber da las persunas occupadas en la branscha da construcziun grischuna è ida enavos per 0,1% sin 4'937 emploiads. Entant ch'il dumber dals lavurers svizzers è creschì, è quel da las persunas da l'exteriur sa reducì.

RR novitads 10:00

Artitgels legids il pli savens