Siglir tar il cuntegn
cuntegn

Gieus olimpics 2026 Comité na: Gieus olimpics èn memia gronds e portan nagut

«Nus n'essan betg tups» – uschia il slogan dal comité encunter ils gius olimpics d'enviern 2026. Ils arguments èn per part ils medems sco gia avant quatter onns, per part datti dentant er novs arguments. Per exempel haja la citad da Turitg ch'era previda sco impurtant partenari gia detg na.

Legenda: Guardar il video Il comité na als gieus olimpics cumbatta tard la candidatura. Durada 03:04 minutas.
Or da Telesguard dals 26.01.2017.

«Na al sfurzim olimpic» in ulteriur slogan ch'è da chattar sin il figl sgulant dal comité encunter ils gieus olimpics. Sper quai il capricorn Grischun che guarda desperà e mussa cun ses pe encunter il frunt.

Ils arguments principals dals adversaris dals gieus olimpics èn ils medems sco avant quatter onns. Gieus olimpics sajan simplamain massa gronds per il Grischun. Sper quai haja la citad da Turitg, ch'era previsa sco impurtant partenari, gia ditg NA.

Gnanc in sulet argument PER gieus olimpics

I dat nagut che discurra per gieus olimpics, uschia Silva Semadeni che fa er part dal comité. Anzi, l'IOC, il comité olimpic internaziunala dicteschi tut fin en il davos detagl na surprendia dentant betg ils ristgs. Ils ristgs stoppia la confederaziun, il chantun e la host city surprender. Quai na giaja betg, uschia ils adversaris.

RR actualitad 17:00