Siglir tar il cuntegn

Header

cuntegn

Chantun "Collisiun da termins" che fa nescher speculaziuns

Atgnamain stuess ins gia enconuscher ils nums sin las glistas da la Partida Populara Svizra dal Grischun per l'elecziun dal Cussegl naziunal da quest atun. Per ils 30 da mars ha la PPS envidà ad ina conferenza da meds da massa per gist quel scopo.

Gnanc in mez di avant è quest termin dentant vegnì annullà. La raschun saja ina collisiun da termins – in termin urgent e na spustabel, ha quai gì num el communitgà da la PPS.

Questa communicaziun ha chaschunà bleras speculaziuns tranter schurnalists:Ha l'elecziun dal commember da la PPS Thomas Rofler sco nov president da l'uniun dals purs grischuna da far insatge cun quai? Èsi forsa capità insatge pli nausch? U ha forsa il capocandidat da la PPS, Heinz Brand fatg in accident da skis?

Tut speculaziuns la fin dal di dementidas. Ma era da quellas viva il cumbat electoral che vegn plaunet adina pli chaud.

Artitgels legids il pli savens