Collavuraziun pli intensiva cun il Tirol dal sid

La regenza grischuna ha survegnì oz visita da la regenza da Bulsaun-Tirol dal sid.

Cusseglier guvernativ Martin Jäger (dretg) en discurs cun il Landeshauptmann Arno Kompatscher.

Legenda da maletgs: Cusseglier guvernativ Martin Jäger (dretg) en discurs cun il Landeshauptmann Arno Kompatscher. RTR, R. Müller

En il center dals discurs cun la regenza da la provinza autonoma Bulsaun-Tirol dal sid èn stads il traffic da cunfin ed il provediment d'energia. Las 2 regenzas èn s'exprimidas per intensivar las colliaziuns dal traffic public tranter il Grischun ed il Tirol.

Meglierar ed amplifitgar il traffic public

Per l'ina ins vul meglierar las colliaziuns Scuol–Puntina e Mals–Puntina. Per l'autra è, sin impuls da la regenza dal Tirol dal sid, la colliaziun da viafier tranter l'Engiadina bassa ed il Vnuost puspè in tema.

Energia e turissem ulteriurs temas

Plinavant vulan ins meglierar il provediment d'energia en la Val Müstair ed en il Vnuost. Quai cun construir ina colliaziun permanenta da l'attatg d'urgenza tranter las duas regiuns. In ulteriur tema è stà ina cooperaziun eventuala tar las purschidas turisticas.