Siglir tar il cuntegn

Header

cuntegn

Chantun Co pajais vus en la butia – cash u cun carta?

Ozendi vegni pajà adina dapli cun la carta. Ma quant less quai dir en pertschients? Là datti differenzas tranter las regiuns, ma er tranter citads e vischnancas.

Quant savens ch'i vegn duvrà la carta u quant savens ch'i vegn duvrà daners bluts ha da far cun la quantitad dad automats da daners en il conturn. L'expert da finanzas Tobias Trütsch da l'universitad Son Gagl di: «Pli blers automats ch'i ha en la vischinanza e pli paucs raps che la glieud ha tendenzialmain en la bursa e perquai vegni pajà pli savens cun la carta.»

audio
Bunura: Pajar cash u cun carta?
ord Actualitad dals 03.02.2017.
laschar ir. Durada: 3 minutas 13 Secundas.

Tenor Martina Bosshard, pledadra da la Migros, vegnan 55% da las cumpras en butias pajadas cun carta u cun il telefonin.

I dat bain anc adina dapli transacziuns cun daners bluts, quai èn dentant per gronda part summas sut 20 francs. Las bleras summas grondas vegnan pajadas cun carta.

Cumpareglià cun pajais scandinavas sajan ils Svizzers fitg conservativs cun il daners. Tegnair ils daners en maun è adina stà impurtant per ils Svizzers. Igl è dentant mo ina dumonda da temp, fin che la pli gronda part paja cun carta u cun il telefonin.

Artitgels legids il pli savens