Siglir tar il cuntegn
cuntegn

Chantun Claudio Riesen va – cumià dal «sisavel cusseglier guvernativ»

El è davos las culissas da la regenza dal Grischun, ha dentant adina la survista - Claudio Riesen. Il directur da la chanzlia chantunala va suenter 26 onns en uffizi la fin dal mais en pensiun.

Legenda: Guardar il video Suenter ina lunga carriera – il directur da la chanzlia chantunala Claudio Riesen va en pensiun.. Durada 03:52 minutas.
Or da Telesguard dals 06.06.2017.

El è in um grond, schlanc, cun chavels grischs e na para betg in da gronda canera - Claudio Riesen, dapi 26 onns directur da la chanzlia chantunala.

Mardi, ils 6 da zercladur, era ses ultim di en uffizi – la regenza ha prendì cumià da quel um che vegn dal reminent er gugent numnà «il sisavel cusseglier guvernativ».

«Il sisavel cusseglier guvernativ»

Quai num ha Claudio Riesen merità cun esser quasi adina da la partida cur che la regenza era cumpletta, cun seser a maisa cur che la regenza ha tratg sias decisiuns e – surtut – cun adina avair la survista. A Claudio Riesen na plascha quel surnum dentant betg propi.

Tge fa in chancelier chantunal

Legenda: Guardar il video Riesen. Durada 00:44 minutas.
Or da RTR dals 06.06.2017.

RR actualitad 17:00