Siglir tar il cuntegn
Inhalt

Chantun Cifras nairas enstagl d'in deficit da 55 milliuns

Il chantun Grischun vegn a scriver cifras nairas quest onn. Quai malgrà il preventiv che fascheva quint cun in deficit da 55 milliuns francs. Quai ha la ministra da finanzas, Barbara Janom-Steiner, ditg ad RTR.

Chasa Grischa a Cuira.
Legenda: Las entradas da taglia èn stadas pli autas che prevesì. RTR, F. Cajochen

In motiv sajan las entradas da taglia che èn pli autas che budgetà. Tar las taglias na sentia il Grischun anc betg las consequenzas da l’iniziativa da secundas abitaziuns ed er betg da la crisa en il turissem.

Daners da Banca naziunala

Grazia al gudogn da record da la Banca naziunala survegn il chantun passa 32 milliuns francs da la Banca naziunala. 16 milliuns per quest onn e 16 milliuns anc per l’onn passà. L’onn passà n’avevan ils chantuns survegnì nagins daners da la Banca naziunala.

Las aczias da la Repower fan quitads

Ina influenza negativa sin il quint dal chantun vegnan dentant las aczias da la Repower ad avair. Il mument stoppia il chantun preveder ina correctura negativa da la valur da 35 fin 40 milliuns francs, uschia la ministra da finanzas.

RR novitads 11:30