Siglir tar il cuntegn

Header

cuntegn

Cifras e svilups Situaziun actuala

La situaziun enturn il coronavirus sa mida extrem spert. Perquai fa RTR transparent las funtaunas, declera pled dal fatg e porscha qua ina survista grafica.

Las cifras per il Grischun publitgescha RTR sin basa da las indicaziuns sin la pagina d'internet dal chantun, il link avra en ina nova fanestra. Las datas las pli actualas dateschan mintgamai dal di avant – actualisadas vegnan questas ina giada al di, cun excepziun da la fin d'emna. Dapi ils 9 da zercladur datti era cifras tenor regiuns.

Per pudair cumparegliar èsi da metter las cifras en relaziun. Savens vegn duvrà per quest intent il dumber pro 100'000 abitants. Per il Grischun na va quai betg, cunquai ch'i na dat gnanc tants abitants en las regiuns (en l'entir chantun vivan circa 200'000 persunas). Perquai publitgescha RTR las cifras pro 10'000 abitants:

Quant è gia vegnì vaccinà?

Adina dapli persunas en Svizra vegnan vaccinadas cunter Covid-19, cunquai che dus vaccins èn lubids (Pfizer/Biontech e Moderna). Il tempo è dentant different da chantun a chantun ed era tar las furniziuns datti per part retards. L'Uffizi federal da sanadad publitgescha duas giadas ad emna cifras davart il stan da vaccinar en Svizra. I sa tracta qua da dosas vaccinadas e betg da persunas (i dovra gea mintgamai duas vaccinaziuns pro persuna):

Cifras dals chantuns

I dat plirs indicaturs che mussan la situaziun da la pandemia:

  • L'incidenza da 7 dis metta en relaziun las infecziuns novas cun la populaziun. Concret: La summa da tut ils cas dals ultims 7 dis vegn calculada pro 100'000 abitantas ed abitants.
  • L’uschenumnada «Valur R» (valur da reproducziun) inditgescha quantas ulteriuras persunas ch’ina persuna positiva infectescha. Questa valur calculescha la ETH cun in retard da 14 dis.

Testar, testar, testar

Gist en connex cun la segunda unda dal coronavirus èsi decisiv quants tests che vegnan fatgs. Il Grischun ha organisà tests da massa en tschertas regiuns e quels resultats vegnan natiralmain era tschiffads en la statistica.

En general na datti dentant naginas datas davart dumber e tests mo per il Grischun, perquai la survista da l'entira Svizra:

In ulteriur indicatur per giuditgar la situaziun è la «rata da positivitad», quai vul dir: Quants dals tests che vegnan fatgs mussan in resultat positiv?

Tar questa rata da positivitad scriva l'Organisaziun mundiala da sandad WHO: Uschè ditg che la rata da 5% na vegn betg surpassada, pon ins quintar d'identifitgar tut ils cas da Covid-19. Sche questa limita vegn surpassada crescha il ristg che la pandemia daventa ord controlla. Era qua publitgescha RTR las datas per l'entira Svizra:

Situaziun en ospitals

Ina sfida centrala en la pandemia è d'evitar in collaps en ils ospitals. La situaziun en il Grischun, inclusiv il dumber da persunas sin las staziuns intensivas, mussa la suandanta grafica:

Cas activs, isolaziun e quarantina

Per chapir la situaziun e las graficas èsi bun d'enconuscher las definiziuns:

«Cas activs» vul dir ch'i sa tracta da persunas testadas positiv sin il coronavirus. Quellas sa chattan en isolaziun. Mintgatant dovran expertas ed experts era «cas confermads» ubain «cas d'index» – tut quai munta dentant il medem tenor il chantun.

«En isolaziun» èn persunas testadas positiv e che ston exnum evitar mintga contact cun autras persunas. Qua cumenza lura era il «contact tracing», quai vul dir che emploiads dal chantun emprovan da chattar ora cun tgi che la persuna infectada ha gì contact.

Persunas «en quarantina» ubain «persunas da contact» numnan ins persunas che han gì contact cun ina persuna testada positiv sin il coronavirus e che sa chattan en quarantina ordinada ubain preventiva. Perquai èn questas cifras normalmain marcantamain pli autas che las cifras da persunas en isolaziun.

Co che la pandemia è sa sviluppada en il Grischun dapi il cumenzament, mussa la suandanta grafica:

Cifras svizras

Per pudair dar ina survista dals cas en l'entira Svizra, va RTR la medema via sco SRF: Nus publitgain cifras che dateschan dals chantuns e che vegnan rimnadas da l'Uffizi statistic dal chantun Turitg. Quellas vegnan actualisadas automaticamain ed èn adina sin il pli nov stan.

Cifras da l'entir mund

Tar la survista internaziunala porscha l'Universitad John-Hopkins datas segiras. Excepziun èn las cifras svizras che sa basan sin datas dals chantuns (per evitar differenzas cun las cifras numnadas sura).

Infurmaziuns per la populaziun

Tar return da l'exteriur:

Dumondas frequentas:

  • Infoline BAG 058 463 00 00
    (mintga di 06:00 – 23:00)

Ulteriuras infurmaziuns:

Coronavirus

Coronavirus

Dapli fatgs, infurmaziuns ed istorgias chattais qua.

RTR novitads 12:00

Artitgels legids il pli savens

Scrollar a sanestra Scrollar a dretga