Siglir tar il cuntegn

Header

cuntegn

Cifras da dischoccupaziun Puspè dapli persunas senza lavur

Ordinaturs
Legenda: Keystone

Il november èn 1'573 persunas stadas senza lavur en il chantun. Quai correspunda ad ina quota da dischoccupaziun da 1,4%. En cumparaziun cun l'october è il dumber creschì per 151.

Legenda:
Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns Cifras da l'Uffizi d'industria, mastergn e lavur GR (stan 09-08-2019)
Legenda:
Quota da dischoccupaziun: Cliccar sin ils onns per activar e deactivar las lingias per cumparegliar la quota da dischoccupaziun da differents onns Cifras da l'Uffizi d'industria, mastergn e lavur GR

Plinavant datti 959 persunas senza lavur, ch'èn dentant er betg sin la tschertga dad ina plazza. Tar quellas tutgan tranter auter persunas ch'èn vid ina scolaziun supplementara.

Dapli umens che dunnas

Dals 1'573 dischoccupads èn 707 dunnas e 866 umens. Il pli aut dumber da persunas senza lavur è vegnì registrà tar l'hotellaria (692), suandà da l'industria da construcziun (175), il sectur da la sanadad (80) e tar il commerzi en detagl (71).

En l'entira Svizra è il dumber da dischoccupads creschì da 101'684 sin 106'330. La quota da dischoccupads è tar 2,3%. Plinavant èn radund 76'000 persunas vegnidas registradas ch'èn betg a la tschertga.

audio
Per tadlar: Las novitads da las 09:00
ord Novitads dals 09.12.2019.
laschar ir. Durada: 3 minutas 16 Secundas.

RTR novitads 08:30

Artitgels legids il pli savens