Ensemen cun la surdada festiva dal cudesch a Miguela Tamo, la victura dal sisavel premi d'art Somedia, vegn er preschentà il proxim premià: L’artist grischun Chris Hunter che viva a Basilea vegn onurà. Il premi è ina publicaziun cun la cuntravalita da 30'000 francs. Quella vegn realisada en collavuraziun cun il Museum d’art dal Grischun. La surdada da la publicaziun ha lieu en in onn.
Hunter in artist multifar
Dapi il 2008 sa participescha Chris Hunter regularmain a las exposiziuns annualas da las artistas e dals artists grischuns. El ha realisà exposiziuns singulas en divers lieus ed è sa participà a bleras exposiziuns da gruppa. La lavur artistica da Chris Hunter è multifara e cumpiglia diversas medias: dissegn, fotografia, video, art d’objects, installaziuns e performances. Chris Hunter lavura adina puspè cun materialias chattadas al lieu. Il fil cotschen tras si’ovra èn regurdientschas e fastizs da vita.
RR novitads 18:00