Siglir tar il cuntegn
cuntegn

Chantun Chor da seniors grischun daventa famus

La Pro Senectute Svizra realisescha a chaschun dal 100avel giubileum in spot da televisiun. Il star da quest spot da reclama è il chor da seniors grischun Canziano.

Legenda: Guardar il video In spot da televisiun cun il chor grischun Canziano. Durada 03:48 minutas.
Or da Telesguard dals 08.12.2016.

In chor instancabel

Dus entirs dis ha bun la mesadad dals commembers dal chor da seniors Canziano passentà en differents studios da registraziun. Nundumbraivlas giadas han els repetì la medema passascha dal toc musical, fin che dirigent, producent e l’entira equipa da film èn stads cuntents. E tut quai han els fatg cun gronda perseveranza.

Sut squitsch da temp

Il toc musical ch’il chor ha stuì chantar è stà pretensius ed il temp per exercitar quel curt. Ma ils seniors han prendì a mauns la sfida e fatg smirvegliar inqual giuvenot. Emess vegn il spot alura l’avrigl 2017 sin tut ils emetturs da la SRG SSR.