Siglir tar il cuntegn

Header

video
Il pionier da fotografias Hans Danuser
Or da Telesguard dals 02.06.2017.
laschar ir. Durada: 43 Secundas.
cuntegn

Chantun «Chombras stgiras da la fotografia»

El vala sco in dals pioniers da la fotografia moderna en Svizra, l’artist Hans Danuser. Cun la nova exposiziun «Chombras stgiras da fotografar» en il Museum d’art dal Grischun turna el cun ina part da sias ovras per in curt mument puspè enavos en sia patria a Cuira.

Las cameras che Hans Danuser (*1953) dovra ozendi per sia lavur d’artist èn anc adina quellas cun las qualas ch'el ha cumenzà sia carriera. Uschia che sias cameras dateschan anc dals onns 1970 ed èn passa 40 onns veglias.

Midar quellas na vul el betg: «Igl è uschia che quellas cameras èn daventadas mias cameras preferidas, sco insatge ch’ins porta cun sai, ch’ins survegn gugent cun ils onns.»

audio
Saira: Hans Danuser ed il fotografar
ord Actualitad dals 01.06.2017.
laschar ir. Durada: 2 minutas 42 Secundas.

IN VIVO ha purtà il success

Internaziunalmain enconuschent è Hans Danuser vegnì cun ses ciclus da fotografias IN VIVO, nua ch’el è s’occupà durant diesch onns (1980-1989), en set serias, da las zonas da tabu da nossa societad. Las 93 fotografias nair-alvas dattan in'invista en lieus betg accessibels u en secturs da la vita pauc enconuschents: Uschia per exempel en ovras atomaras, la medischina, la fisica u er la chemia.

«IN VIVO» è vegnì ludà internaziunalmain sco in'impurtanta contribuziun tar la fotografia contemporana ed ha creà la basa per numerusas collavuraziuns e projects interdisciplinars.

Cuntent d'esser a Cuira

In extract da quest ciclus IN VIVO è era da vesair en l’exposiziun «Chombras stgiras da la fotografia» en il Museum d’art dal Grischun. En pli mussa l’exposiziun dentant era extracts or dad autras serias e ciclus sco per exempel PARTY IS OVER (1984-2016), EROSION (2000-2006) u er FROZEN EMBRYO SERIES (1997-2000).

Uschia che «Chombras stgiras da la fotografia» è l’emprima exposiziun che dat ina survista da l’ovra fotografica da Hans Danuser dals ultims 35 onns.

Hans Danuser è en mintga cas cuntent ch’el dastga exponer en il Museum d’art dal Grischun a Cuira. Betg be perquai che Cuira è ses lieu d’origin, mabain cunzunt perquai ch’il nov bajetg dal museum d’art porschi il plaz adattà per fotografias ch’el n’ha fin ussa betg pudì exponer en il Grischun.

RR actualitad 17:10

Artitgels legids il pli savens