Plirs millis visitaders èn stads preschents la fin d’emna. Per blers èsi stà in lieu da sentupada. Chatschaders e pestgaders han discurrì ensemen davart lur passiun. Sper las numerusas discussiuns èsi natiralmain era vegnì guardà exact sin ils novs products ch’èn vegnids preschentads a la fiera. Las novas buis han fascinà ils chatschaders, las novas lantschas ils pestgaders.
«Chatscha cuzza 365 dis ad onn»
La chatscha è bler pli lunga che be las emnas ch’ins giaja effectivamain a chatscha, ha in chatschader da la Surselva ditg. La fascinaziun e passiun saja uschè gronda ch’ins sa scuntrì gugent cun auters chatschaders, era gia il mais da favrer.
Blers èn era simplamain vegnids pervia da las marveglias a guardar l’exposiziun. I saja mintg’onn interessant da guardar, tge ch’i dettia da nov sin fiera.
RR actualitad 08:00