Siglir tar il cuntegn

Header

cuntegn

Chatscha Il prim di da chatscha – temp intensiv per il guardia selvaschina

Per ils guardiaselvaschina entschaiva cun la chatscha il temp intensiv da l’onn. Davent da la damaun baud fin la saira tard sa movan els en la natira e sin vias per survegliar il manaschi da chatscha.

Funcziun da controlla

Tar las obligaziuns dals guardiaselvaschina tutga tranter auter dad observar l’effectiv da selvaschina, pia il dumber e las sorts dad animals. Durant la chatscha han ils guardiaselvaschina er ina funcziun da controlla. Animals sajettads betg lubids ston ils chatschadurs annunziar ad els.

Sin tur d’observaziun cun Martin Cavegn

Il chatschadur Marc Berther cun il taur tschierv da 92 kilos.
Legenda: Il chatschadur Marc Berther cun il taur tschierv da 92 kilos. RTR, M. CANDRIAN

Martin Cavegn da Camischolas è in da tschintg guardiaselvaschina en il district Rain Anteriur. La chatscha 2014 è la segunda per el en quella funcziun. Avant era el 14 onns chatschadur. L’emprima damaun da la chatsch'auta 2014 vegn el accumpagnà dal redactur dal Radio rumantsch, Maurus Candrian.

Artitgels legids il pli savens