Siglir tar il cuntegn

Header

video
Chatscha grischuna: Iniziativa be per part valaivla
Or da Telesguard dals 17.10.2016.
laschar ir. Durada: 3 minutas 58 Secundas.
cuntegn

Chantun Chatscha grischuna: Iniziativa be per part valaivla

«L’iniziativa per ina chatscha etica che sa cumporta cun la natira» è be per part valaivla. Quai ha il cussegl grond decidì oz.

Quai vul dir ch’il pievel dastga votar davart 8 pretensiuns ch'èn vegnidas valitadas sco valaivlas aifer "l'iniziativa per ina chatscha etica che sa cumporta cun la natira". La votaziun ha probabel lieu il matg 2017.

8 pretensiuns valaivlas

  • Scumond da traplas per pigliar animals
  • Scumond da sajettar utschels
  • Pausa d'enviern a partir da l'emprim da november - cun excepziun dal tschierv
  • En la cumissiun da chatscha ston esser represchentads a moda paritetica ils protecturs d'animals/chatschaders sco era nun-chatschaders
  • Limita d'alcohol analog a la lescha davart il traffic sin via
  • Controlla da l'abilitad dad ir a chatscha ed obligaziun da sajettar en l'arma, e be pli duvrar muniziun senza plum
  • Scumond per uffants sut 12 onns d'accumpagnar chatschaders
  • Tar donns extraordinaris en il guaud dastga la guardia-chatscha be sajettar animals sche tut las autras mesiras n'han betg purtà l'effect giavischà

La regenza ed il cussegl grond proponan dentant a la populaziun da refusar tut quests puncts.

3 pretensiuns nun-valaivlas

Perquai ch'ellas cuntrafan al dretg federal ha il cussegl grond valità 3 puncts ord "l'iniziativa per ina chatscha etica che sa cumporta cun la natira" sco nun-valaivels:

  • Proteger en general vatgas-tschierv e chauras-chavriel che portan ed han pitschens
  • Pausa d'enviern a partir da l'emprim da november - quai che pertutga il tschierv
  • En l'uffizi da chatscha e pestga ston esser represchentads a moda paritetica ils protecturs d'animals/chatschaders sco era nun-chatschaders

audio
Saira: Inizitiva per chatscha etica per part valaivla
ord Actualitad dals 17.10.2016.
laschar ir. Durada: 2 minutas 48 Secundas.

L’inizianta Marion Theus n’è betg surstada da la decisiun dal cussegl grond. Sco ella ha ditg sin dumonda stoppia il comité ussa decider co proceder vinavant. Quai dependia era da l’iniziativa per abolir la chatscha supplementara – ch’è actualmain pendenta tar la dretgira a Losanna.

RR novitads 16:00/18:00

Artitgels legids il pli savens