Siglir tar il cuntegn

Header

cuntegn

Chasas da tgira e Spitex Chantun duai surpigliar custs supplementars pervi dal coronavirus

Las chasas d'attempads e da tgira grischunas han nudà custs supplementars e perditas da rendita bunamain 3,8 milliuns francs en connex cun la pandemia da Covid-19. Er ils servetschs da la Spitex han gì custs supplementars da bunamain 1 milliuns francs. Quai resulta da las examinaziuns che la regenza grischuan ha fatg sin incumbensa da la cumissiun da sanadad e socialesser dal Cussegl grond.

Ils custs supplementars sa resultan principalmain da custs per remplazzar u rinforzar il persunal durant il temp il pli intensiv da la pandemia, il material da dischinfectar e da protecziun u er las boxas da visita. Part da quest custs supplementars èn er entradas ch'èn idas a perder sco p. ex. chombras che n'èn betg vegnidas occupadas u er la cafetaria ch'è vegnida serrada.

La cumissiun dumonda la regenza d'indemnisar tant sco pussaivel quests custs supplementars. Analog als pachets d'agid ch'i ha dà per ils ospitals. La regenza grischuna propona al Cussegl grond d'acceptar questa incumbensa. Ils custs duain vegnir repartids tranter chantun e vischnancas sco gia fixà en la lescha:

  • Tar chasas da tgira e d'attempads surpiglia il chantun 25% (930'00 frs.)
  • Tar servetschs da Spitex surpiglia il chantun 55% (540'000 frs.)

audio
Per tadlar: Las novitads da las 14:00
ord Novitads dals 14.09.2020. Maletg: RTR
laschar ir. Durada: 3 minutas 45 Secundas.

RTR novitads 14:00

Artitgels legids il pli savens