Siglir tar il cuntegn

Header

cuntegn

Chantun Chantun sustegna 3 projects da turissem

En connex cun la nova politica regiunala sustegna il chantun Grischun differents project en il sectur dal turissem.

Il project «Sardona PLUS» da la Heidiland turissem SA survegn ina contribuziun da 600’000 francs. L’intent da quest project è tranter auter da promover vinavant il svilup e la qualitad da products interchantunals ed interregiunals e d’augmentar la popularitad da l’arena tectonica Sardona sco patrimoni mundial da l’UNESCO.

Il «Post da cumpetenza per il turissem dal patrimoni mundial» da l’uniun World Heritage Experience Switzerland survegn ina contribuziun da 140’000 francs. Tut en tut sustegnan Confederaziun e chantuns il project cun 1,2 milliuns francs. L’uniun furma il tetg da las organisaziuns da turissem dal patrimoni mundial surordinà. En il Grischun èn quai per exempel la “Claustra benedictina Son Jon a Müstair” u la “Viafier retica en la cuntrada Alvra/Bernina”.

Il consorzi da project «parter collavuraturs» dastga quintar cun 532’000 francs. Da quels surpiglia la Confederaziun la mesadad. Il project extenda l’idea da l’economia da parter il persunal. Manaschis renumads da l’hotellaria e gastronomia collavuran e porschan ina perspectiva a lavurers da stagiun per l’entir onn.

RR novitads 09:00

Artitgels legids il pli savens