Siglir tar il cuntegn

Chantun Chantun ha desditg contract cun centrala 144 a Glion

La regenza grischuna ha desditg il contract cun l'ospital regiunal Surselva per manar la centrala dal clom d'agid 144. Cun desdir il contract per la fin dal 2017 vul la regenza pussibilitar er ad auters interessents da s'annunziar per manar la centrala.

In collavuratur en la centrala dal clom d'agid 144 (maletg simbolic).
Legenda: In collavuratur en la centrala dal clom d'agid 144 (maletg simbolic). Keystone

Sco la regenza scriva, saja quai en il senn da la lescha da submissiun. Quella lescha duai promover la concurrenza tranter ils purschiders. Probabel l'emprima mesadad da l'onn 2016 vegn la submissiun per manar la centrala dal clom d'agid 144 publitgada.

La centrala operativa dal clom d'agid sanitar a Glion ha cumenzà cun sia activitad la stad 1999. La regenza aveva dà a l'ospital regiunal da la Surselva in’incumbensa correspundenta ils 16 da december 1997.

RR novitads 09:00