Chantun - Chantun Grischun reveda lescha per promover la cultura
La lescha per promover la cultura duai vegnir revedida totalmain. Uss ha la regenza preschentà in nov sboz per la promoziun chantunala da la cultura. Da nov èsi previs d’integrar il sustegn da la lavur culturala professiunala en la lescha, scriva il departament da cultura chantunal.
Da nov èsi previs d'integrar explicitamain il sustegn da la lavur culturala professiunala en las finamiras da la lescha. Latiers tutga era l'elavuraziun d'in concept chantunal per promover e per finanziar ils museums regiunals ed ils centers da cultura regiunals.
Tranter auter prevesa il nov sboz dal chantun era, che las regiuns èn obligadas da porscher ina scola da chant e musica, scriva il chantun. La regenza dat uss en consultaziun il sboz, la lescha duai entrar en vigur il 2018.
