Siglir tar il cuntegn
Inhalt

Chantun Chantun gida als purs

Il chantun Grischun porscha agid als purs pertutgads da la setgira e da la mancanza da pavel. El schlucca las prescripziuns per ils pajaments directs a manaschis d'alp.

Vatgas sin alp.
Legenda: Il chantun Grischun prenda mesiras per gidar ils purs en connex cun la setgira. Keystone

Vitiers schlucca il chantun Grischun era las prescripziuns da pastgiras e pavel e suonda uschia ad auters chantuns che realiseschan las mesiras decididas da la Confederaziun. Sco quai che l'Uffizi d'agricultura e da geoinfurmaziun dal Grischun communitgescha, vegnia il pavel adina pli stgars sin ils manaschis d'alp.

I sa tractia d'in eveniment dal tschientaner. Per quest motiv haja il chantun decidì mesiras urgentas per mitigiar la situaziun. I na vegnia betg reducidas las contribuziuns als purs che stoppian pervi da la setgira stgargiar pli baud l'alp u che stoppian laschar il muvel pli ditg sin l'alp perquai ch'il pavel manca en la val. Uschia communitgescha l'uffizi.

RR novitads 06:00