L'uniun Chantun da cultura Grischun beneventa il concept per promover la cultura dal Grischun per ils proxims quatter onns. Il concept represchentia per l'emprima giada quant cumplexa che la lavur culturala en il chantun Grischun saja insumma. Quai scriva l'uniun en lur posiziun.
Il concept da cultura mettia ils dretgs accents. L'uniun Chantun da cultura che cumpiglia las impurtantas persunas ed instituziuns da la cultura, ha cunzunt plaschair da las trais finamiras dal concept:
- dar pais a la participaziun da la populaziun vid la cultura
- promover la diversitad linguistica e regiunala en la cultura
- stgaffir meglras cundiziuns per la lavur professiunala en la cultura
Il concept da cultura haja uschia la dretga basa e fetschia attent sin ils meds finanzials supplementars che sajan necessaris per promover la cultura en il futur.
Quant che la realisaziun dal concept vegn dentant a custar, decida la finala il Cussegl grond. Lez vegn per l'emprima giada a tractar il concept l'avrigl. Perquai manegia Nikolaus Schmid, ch'è en la suprastanza da l'uniun, ch'els inoltreschian anc avant la sessiun d'avrigl ina proposta da budget al Cussegl grond.
Ord l'archiv:
RTR novitads 18:00
