Siglir tar il cuntegn
Inhalt

Chantun Chaliras era sin las alps

Las temperaturas chaudas dal zercladur han era in effect sin las alps grischunas. Intginas alps han gia uss mancanza d’aua. Dentant acut n'è la situaziun betg. Forsa anc betg?

Purtret da duas vatgas.
Legenda: Era las alps sentan las chaliras. Dentant problemtic è la situaziun anc betg. Keystone

Il mument saja stitg, chaud ed ì manchia per part gia uss l’aua. Uschia declerà Batist Spinatsch dal Plantahof la situaziun actuala sin las alps grischunas. Pertutgadas èn dentant alps ch’han en general pauca aua.

Entras la mancanza d’aua na po il pastg logicamain era betg crescher. Dentant, grazia a las plievgias da l’entschatta dal mais zercladur, haja per il mument anc avunda pastg.

En general na saja la situaziun sin las alps betg alarmanta ef acuta. Tuttina speran ins sin plievgia, di Spinatsch. Perquai ch’in ulteriura emna cun talas chaliras, possia alura engrevgiar marcant la problematic cun l’aua ed il pastg sin las alps grischunas.

RR acualitad 08:00