Siglir tar il cuntegn

Header

Video
Glatsch er per chauns «made in Grischun»
Or da Telesguard dals 26.06.2019.
laschar ir
cuntegn

Chalira en il Grischun Er ils chauns han gust d'in glatsch

Las temperaturas creschan quests dis lunsch sur 30 grads. Gust d'in glatschs durant quests dis n'han betg mo ils carstgauns, mabain era ils chauns. A Parpan è naschida l'idea da producir glatsch per chauns avant bun tschintg onns.

Davos il glatsch grischun per chauns stattan Rosine Schmid cun sia figlia Luna. Ils ultims onns han ellas creà differentas sorts da glatsch ch'èn adattadas per chauns. Uschia datti actualmain trais sorts tar la firma «Schnauziis»

  • glatsch da caros (sumegliant a tschigulatta) e nusch da cocos
  • glatsch da banana e nusch da cocos
  • glatsch da maila e quarc

Sco quai che Rosine Schmid declera, haja la gronda part dals chauns gugent il glatsch. I dettia dentant era chauns che n'hajan betg gugent quel.

Plirs 1'000 cups producescha la firma «Schnauziis» actualmain per onn. Cunquai ch'els sajan creschids fitg l'ultim temp, vegn il glatsch producì en il Soloturn. En sia cuschina privata na vegniss ella betg da producir questa quantitad.

Tge è auter tar il glatsch per chauns?

Il glatsch è fitg saun e cuntegna blers vitamins, minerals e proteins. Tge che n'è betg da chattar en quest glatsch èn zutger e lactosa. Sco che la possessura da «Schnauziis» di, fiss quai privlus per ils chauns.

RR actualitad 08:00