Siglir tar il cuntegn
cuntegn

Chantun Castur ed aspirin – senz'in na datti betg l’auter

L'aspirin ed il castur han in'istorgia communabla. Tuna curius, è dentant vair.

Purtret d'in castur.
Legenda: Ad el savain engraziar l'aspirin - il castur. Keystone

Tge ch’è per nus ina chaussa d’in pèr minutas, n'era per noss antenats betg pussaivel: Ir en l'apoteca. Els han stuì chattar en la natira meds cunter mals e malsognas. Tar animals u ervas han ins savens chattà medischina. Tranter auter er tar ils casturs.

Sch'ins fascheva chatscha sin casturs vegniva adina tratg a niz l’entir animal. Era il uschè numnà «Bibergeil». Tge che tuna suenter in med da potenza n'è nagut auter ch’in secret dal castur. E na, quest secret n'è betg vegnì duvrà sco med da potenza. Quest secret gidava da sbassar la fevra.

Tge substanza cuntegn quest «Bibergeil»?

L’entschatta dal 19 avel tschientaner han ins alura vulì savair, tge substanza miraculusa che quest secret dal castur cuntegnia. Ins ha scuvert l’acid da salicin. Ed tgi che consumescha aspirin ed ha schon ina giada legi il fegliet d’infurmaziun da la stgatla sa, ch’era l’aspirin cuntegn acid da salicin. Grazia a la chatscha dal castur han ins scuvert acid da salicin ed entras quai pudì sviluppar l’aspirin.

RR actualitad 11:00