Concret crititgeschan ils alpinists, che las reglas stritgian tschertas rutas alpinas en la zona da coc. Usità saja quai era, ch'ins possia decider sez ina ruta, sco en ils parcs naziunals en l’Austria, en Frantscha ed en l’Italia.
Era sajan alpinists adina premurads da tractar la natira cun respect, scrivan las duas organisaziuns.
Appel da midar las reglas
Il Club alpin svizzer e la federaziun dals guids da muntogna appelleschan a la populaziun da las regiuns da resguardar la critica e midar las reglas. Questas èn actualmain en consultaziun en la regiun. La votaziun è previsa per la stad che vegn.
Prendì per enconuschientscha
L'uniun Parc Adula prenda enconuschientscha da la critica, vul dentant prender posiziun davart la critica directamain a las sairas d'infurmaziun en las regiuns dal parc planisà. Las reglas dal parc èn en consultaziun a partir da glindesdi proxim. La votaziun è previsa per la stad che vegn.
RR novitads 14:00