Siglir tar il cuntegn

Header

Um che construescha via.
Legenda: Il chasti da la WEKO vegn miss en dumonda da las firmas. Keystone
cuntegn

Cartel da construcziun da vias Pliras firmas n'acceptan betg chasti da la WEKO

Sur plirs onns èn diversas firmas sa cunvegnids davart il pretsch tar la construcziun da vias. La cumissiun da concurrenza WEKO ha l'entschatta da settember chastià 11 firmas cun var 11 milliuns francs. Pliras firmas van uss cun questa decisiun avant il Tribunal administrativ federal.

Enfin ussa sajan vegnids inoltrads otg recurs. Quai ha la dretgira confirmà sin dumonda dal schurnal regiunal da SRF. Tge firmas che quai èn e sch'i sa tracta dad otg differentas firmas, quai na tradescha la dretgira betg.

Trais firmas han dentant gia confermà ch'ellas han fatg recurs. Quai èn l'anteriura societad mamma da la Casty Bau, Käppelis Söhne e la Kibag. La Kibag aveva gia curt avant la decisiun communitgà ch'ella tira il cas, sche necessari, avant Tribunal federal. L'advocat da Käppelis Söhne scriva, che tschertas pretensiuns da la WEKO na sajan betg correctas.

L'entschatta settember aveva la WEKO chastià 12 firmas grischunas cun radund 11 milliuns francs. Quai perquai ch'ellas duain avair fatg giu pretschs sur onns.

Ord l'archiv

Video
WEKO – decisiun cartel da construcziun da vias
Or da Telesguard dals 03.09.2019.
abspielen

RR novitads 20:00