«Caracteristic per il lieu» n’è anc nagina lubientscha

Edifizis ch'èn caracteristics per in lieu pon vegnir transferids en novas abitaziuns secundaras. Quai prevesa la lescha federala ch'è entrada en vigur a l'entschatta da l'onn. Cun ina revisiun parziala da la planisaziun dal territori ha la regenza fixà la procedura correspundenta per il Grischun.

Teaser.

Legenda da maletgs: Caracteristic per il lieu, per exempel ina chasa gualsra a Val S. Pieder. Keystone

La classificaziun d'in edifizi sco ‘caracteristic per il lieu u per la cuntrada’ sto tranter auter vegnir fatga da principi en la planisaziun locala, scriva il chantun. Quai vul dir che las vischnancas han l’incumbensa da decider, tgenins bajetgs che duain esser caracteristics per il lieu.

Grondas pretensiuns archtectonicas

Ina tala classificaziun n'è dentant anc betg automaticamain ina lubientscha da midar l'edifizi en abitaziuns secundaras. Il project da restructuraziun sto ademplir grondas pretensiuns architectonicas.

Plinavant pretenda la lescha ina cumprova ch’il mantegniment permanent d’in edifizi na possia betg vegnir garantì en autra moda che cun transfurmar el en abitaziuns secundaras.

RR novitads 10:00