Siglir tar il cuntegn

Header

Navigaziun

grafica dal process da far la biera.
Legenda: La biera vegn producida tar minus 3,5 grads. mad
cuntegn

Chantun Calanda vegn pli vast

La bieraria Calanda lantscha in nov product, che duai persvader tras in midament en la procedura da far biera.

Blaua sco il glatsch – quai è la cuppa dal nov product da la bieraria Calanda a Cuira, da «Glatsch». L'empraisa Calanda, che tutga al concern Heineken Switzerland AG, vul persvader cun in midament en il process da producziun da la biera.

Ina biera da standard biera absolva il process da madiraziun tar minus in grad. La bavronda «glatsch» vegn perencunter producida tar minus 3,5 grads. Quest nov pass ha per consequenza, che la biera daventa pli miaivla e pli frestga.

Nov ha la biera da mez liter in punct grisch vid la cuppa. Cura che la biera é fraida avunda, vegn il punct automatic blaus. L'idea è, ch'ins baiva uschia ina biera cun la temperatura ideala.

Dapi il prim da mars é la bavronda en vendita e pauc suenter, il cumenzament d'avrigl, è ella en vendita en la gastronomia.