Siglir tar il cuntegn

Header

Navigaziun

In chatschadur.
Legenda: Durant la chatscha auta han las chatschaders e las chatschadras sajettà en media dapli ch'ils onns passads. mad
cuntegn

Chantun Buna chatscha auta ma tuttina dovria ina chatscha supplementara

Las chatschadras ed ils chatschaders grischuns èn per gronda part cuntents cun la chatscha auta da quest onn. Quai grazia ad ina buna chatscha da tschiervs e chavriels ed ina chatscha mediocra da chamutschs. En tut en vegni sajettads 10'013 animals d'ungla.

203 chatschaduras e 5'305 chatschadurs èn sa participads a la chatscha auta da quest onn. En tut han las chatschadras ed ils chatschaders grischuns sajettà 3'937 (3'226) tschiervs.

Sco il chantun scriva è quai in bun resultat che sa resulta da la vegetaziun d'atun ch'era gia avanzada, sco er d'in settember frestg cun diversas navaglias e numerusas mesiras en asils da chatscha. I dat dentant grondas differenzas regiunalas. En tscherts districts è la chatscha stada buna, entant enturn il parc naziunal svizzer è il dumber da tschiervs sajettads plitost mediocher, scriva l'uffizi chantunal da chatscha.

Il dumber da chavriels surpassa la media dals davos onns

En tut èn 3'019 (2'370) chavriels vegnì sajettads durant la chatscha auta. Dentant è il dischequiliber quai che concerna la schlattaina gronds. Uschia èn 1'878 bucs chavriel vegnì sajettads e sulet 1'141 chauras chavriel, quai che munta ina relaziun da 1:0.61.

Buna chatscha da chamutschs

En tut en 3'044 (2'986) chamutschs vegnì sajettads. Quest dumber sa mova en il sectur previs, scriva il chantun. En pliras regiuns è vegni constatà in augment da la tschorvadad da chamutschs. Cun ina strategia precauta vul il chantun evitar in svilup negativ.

Per realisar il plan da chatscha dovri ina chatscha supplementara

Ils gronds effectivs da tschiervs fa necessari ina chatscha supplementara en bleras regiuns en il Grischun. Surtut en il conturn dal parc naziunal svizzer èsi necessari da far ina gronda chatscha speziala. 2'923 chatschadras e chatschaders èn s'annunziads quest onn per la chatscha supplementara. Quai il pli grond dumber d'annunzias insumma. L'onn passa aveva quai dà anc 2'671 annunzias, scriva l'uffizi da chatscha e pestga grischun.

RR novitads 15:00