Siglir tar il cuntegn
cuntegn

Chantun Bun resultat per Mario Cavigelli - il nov president da la regenza

Cun 103 da 107 vuschs han deputadas e deputads dal Cussegl grond elegì Mario Cavigelli sco nov president da la regenza. Ses vize è daventà Jon Domenic Parolini.

Cusseglier guvernativ Mario Cavigelli è il proxim president da la regenza dal Grischun.
Legenda: Mario Cavigelli Cusseglier guvernativ Mario Cavigelli è il proxim president da la regenza dal Grischun. keystone

Igl è la segunda giada che Mario Cavigelli è president da la regenza dal chantun Grischun. E ses resultat è quella giada in zic meglier che la davosa giada. L'onn 2013 haveva el fatg 104 da 108 vuschs, quella giada 103 da 107 valaivlas vuschs.

Nausch resultat per Jon Domenic Parolini

Ses nov vizepresident Jon Domenic Parolini ha perencunter survegnì mo 75 da 85 valaivlas vuschs. Quai è in main bun resultat. Gea schizunt il mènder dapi l'onn 2000. 33 cedels da vuschar èn vegnids returnads vids ubain na valaivels. Parolini crai, che quai saja stà ina protesta d'insaquants deputads pervi da l'agir da la regenza pertutgant l'areal da la resgia a Domat.

Sch'ins cumpareglia la procentuala da las vuschs per l'elecziun dal vicepresident dals ultims onns, sche ha il burgaisdemocrat Parolini fatg il mender resultat d'almain ils ultims 17 onns. Il segund mender resultat aveva fatg il 2011 ses collega da partida Hansjörg Trachsel. Era el era da lezzas uras al timun dal departement d'economia publica e dals fatgs socials.

Tgi ha fatg quantas vuschs ils ultims onns?

Data elecziunNumPrenumVuschsVuschs valaivlas
2000Widmer-SchlumpfEveline114114
2001LardiClaudio104104
2002EnglerStefan115117
2003HuberKlaus101107
2004Widmer-SchlumpfEveline103106
2005LardiClaudio93106
2006SchmidMartin114117
2007EnglerStefan103108
2008TrachselHansjörg94101
2009LardiClaudio9597
2010SchmidMartin105107
2011Janom SteinerBarbara98105
2012TrachselHansjörg106110
2013CavigelliMario104108
2014JägerMartin8994
2015RathgebChristian109112
2016Janom Steiner
Barbara109111
2017Mario
Cavigelli103
107

RR novitads 10:00