Siglir tar il cuntegn

Header

cuntegn

Chantun Bun favrer per hoteliers grischuns

Il Grischun ha pudì nudar il favrer il pli ferm augment absolut da pernottaziuns tar la hotellaria cumpareglià cun las ulteriuras regiuns da turissem en Svizra.

Las pernottaziuns èn s'augmentadas en il Grischun per 45'000. Tenor las cifras provisoricas da l'Uffizi federal da statistica è quai 6,4 pertschient dapli ch’il favrer da l’onn passà.

Al Grischun suondan la Part Sura Bernaisa e la regiun da Lucerna / Lai dals Quatter Chantuns cun in plus da 39’000 pernottaziuns (+11,8%) respectiv 36’000 (+17,8%). En il Vallais hai dà il favrer in plus da 30’000 pernottaziuns (+6,4%) en cumparegliaziun cun il favrer 2014.

Per l'entira Svizra annunzia l'uffizi in augment da pernottaziuns da 6 pertschient. Contribuì a quest resultat han cunzunt giasts indigens, dentant era il dumber da giasts da l'exteriur è s'augmentà il favrer passà.

RR novitads 10:00

Artitgels legids il pli savens