Siglir tar il cuntegn
Inhalt

Chantun Brand cun schanzas realas

La PPS vul conquistar il sez da la PBD en il Cussegl federal, damai quel dad Eveline Widmer-Schlumpf. In num da candidat ch’ins auda adina puspè è quel dal cusseglier naziunal grischun Heinz Brand.

Heinz Brand.
Legenda: Anc na datti nagina decisiun uffiziala pertutgant ina candidatura da Heinz Brand sco cusseglier federal. Keystone

RTR ha discurrì cun il politolog Mark Balsiger, che considerescha Brand sco candidat cun schanzas realas. El haja sustegn en l’atgna partida, ed era a parlamentaris d’autras partidas n’haja el betg zappà tant sin ils pes che ad auters collegas da partida. En ina confruntaziun directa cun Eveline Widmer-Schlumpf saja quai in ulteriur avantatg, ch’el vegnia era dal Grischun.

Balsiger spetga però, che las secziuns chantunalas da la PPS vegnan a preschentar anc tut ina retscha dad ulteriurs nums durant ils proxims mais. Uschia pudess Brand survegnir anc l’in u l’auter ferm concurrent.