La pendiculara Brambrüesch a Cuira n’è mai stada in Mecca per ir cun skis u cun snowboard. Dapi insaquants onns pon in chattar dapli bikers che skiunzs en las cabinas che mainan da Cuira a Brambrüesch. Cunquai ch'igl è pussibel da manischar il velo durant radund 10 mais ad onn giuaden en la val, è Cuira daventa in lieu per fans da downhill, e quai perfin sur ils cunfins da la Svizra ora.
Durant la stagiun passada, pia dal matg 2016 fin l’avrigl 2017, ha la pendiculara da Brambrüesch giu passa 50% dals giasts durant ils mais da stad. Quai èn stads radund 40'000. In’auta cifra per ina regiun grischuna, che s’orientescha a la stagiun d'enviern. Natiralmain è il nausch enviern stà in dals motivs principals per la gronda cifra da turists da stad.
Tge ch’è era da menziunar: Cuira sa chatta bler pli bass ch’autras regiuns grischunas, plinavant procura il favugn che la naiv svaneschan pli svelt a Cuira ch’en ils auts. Per quest motiv pon ils bikers charrar fin december cun bikes da las 5 differentas rutas giu.
I pudess anc dar dapli giasts
Actualmain è la pendiculara serrada durant il mais matg pervi da la Higa, ch’è medemamain mintg'onn sin l’areal davant la Stadthalle.
In mais che procurass per in anc pli grond dumber da giasts da stad.
I ha num che la Higa vegnia eventualmain manada tras ils proxims onns sin l’areal da la Obere Au. Per la pendiculara da Brambrüesch pudess ina tala midada muntar in augment da giasts e da svieuta.
RR actualitad 08:00